Wer isch schuld?

Wer isch Schuld – dass s uf de Welt so vill Armuet git?
Wer isch Schuld – dass obdachlosi Lüüt hungrig sind?
Wer isch Schuld – dass nöd jede gliich behandlet wird?
Jede Mensch hät gliich vill Rächt egal us welem Land er isch!

Vor langer Ziit han ich en Traum gha
doch de han ich eifach sause la
Mittlerwiile isch mer das alles egal
schlussendlich hani kei anderi wahl

Mini Mueter tuet mer so Leid
Sie gseht mich immer im fight
Mini Mueter hät nur s bescht für mich welle
sie het en Job gsuecht aber s hät kei Stelle

Min Vater laht mer kei Rueh
Depressione schlönd hert zue
Mueter im Spital, Vater hinter Gitter
Ich chume uf d Wält und niemer hilft mer wiiter

Armi Chind werded uusgschlosse
Keine will uf ihri Stimm lose
Früener bini es Mobbingopfer gsii
Si händ nöd akzeptiert wini bi

Wer isch Schuld – dass s uf de Welt so vill Armuet git?
Wer isch Schuld – dass obdachlosi Lüüt hungrig sind?
Wer isch Schuld – dass nöd jede gliich behandlet wird?
Jede Mensch hät gliich vill Rächt egal us welem Land er isch!

Mini Kollege händ mich uusgschlosse
Denn händ si mich us mim Huus gworfe
Ich leb uf de Strass ohni en Schwiizer Pass
und das macht imfall denn gar kei Spass

So vill Lüt läbed verschwänderisch
scheissegal us welem Land er isch
Si gäbed Gäld us für es Lottolos
Si gsehnd mich gar nöd: ich bin obdachlos

Ich bin trurig und hungrig, niemert hilft mer
Es isch nass und chalt, ich weiss nüm wiiter
Ich gheie dur d Spält, scheiss Welt wott nur Gäld
scheiss Welt isch nurno es riisigs Chriegsfäld

Es git vili armi Chinder uf de Wält
vom Chrieg gflüchtet und läbed imne Zält
Ich bin dur Himmel und bin dur d Höll
drum weissi nüm wasi mache söll

Wer isch Schuld…

Weitere Informationen